حیدرآباد

سنگاریڈی میں وزیر داخلہ محمود علی نے قومی پرچم لہرایا

محمود علی نے کہاکہ حکومت‘ سنگاریڈی کی ترقی پر خصوصی توجہ مرکوزکرچکی ہے۔ سنگاریڈی میں میڈیکل کالج کی عمارت کے تعمیراتی کام تیزی سے جاری ہیں۔ عنقریب 150طلباء کے ساتھ میڈیکل کالج میں تعلیمی سرگرمیوں کاآغاز ہوگا۔

حیدرآباد: ضلع سنگاریڈی میں ریاستی وزیر داخلہ محمدمحمودعلی نے یوم آزادی کے موقع پر قومی پرچم لہرایا اورپولیس پریڈکی سلامی لی۔ انہوں نے عوام کوملک کی یوم آزادی کی مبارکبادپیش کرتے ہوئے کہاکہ حکومت تلنگانہ سماج کے تمام طبقات تک ترقی کے ثمرات پہنچانے کے لئے کام کررہی ہے۔

انہوں نے کہاکہ حکومت‘ سنگاریڈی کی ترقی پر خصوصی توجہ مرکوزکرچکی ہے۔ سنگاریڈی میں میڈیکل کالج کی عمارت کے تعمیراتی کام تیزی سے جاری ہیں۔ عنقریب 150طلباء کے ساتھ میڈیکل کالج میں تعلیمی سرگرمیوں کاآغاز ہوگا۔ انہوں نے کہاکہ آج سے ضلع سنگاریڈی میں 41,981 افراد کوآسرانیشن جاری کیئے جائیں گے۔