ایک شام چارمینار کے نام، عوام کا اژدھام

حیدرآباد: بہت سے حیدرآبادیوں کیلئے اتوار کا دن خاص رہا۔ شہر کی صبح مختلف پارکوں میں سریلی دھنوں اور موسیقی سے ہوا۔ مختلف پارکس میں کلاسیکل موسیقی سے کئی افراد مسحور ہوئے۔

کئی افراد نے پودے بھی لگائے۔ شام میں سیر وتفریح کیلئے عوام کی بڑی تعداد ٹینک بنڈ اور تاریخی چارمینار پہنچی۔

شہر کے قلب میں واقع حسین ساگر کی جھیل ٹینک بنڈ پر سنڈے فنڈے پروگرام ہوا جبکہ پرانے شہر کے تاریخی چارمینار کے دامن میں ایک شام چارمینار کے نام سے تفریحی پروگرام ہوا جہاں بیانڈ پرفارمنس، کلچرل پروگرام منعقد ہوا۔

ان دو مقامات پر عوام کی کثیر تعداد موجود تھی۔