تلنگانہسوشیل میڈیا

طالبات کی تصاویر اور ویڈیوز لینے والی خاتون ٹیچر معطل

بتایاجاتا ہے کہ یہ ٹیچر، اجنبی افراد کے ساتھ فون پر بات کرنے کے لئے بھی طالبات پر دباو ڈال رہی تھی۔اس واقعہ پر لڑکیوں کے والدین اور طلبہ یونینوں نے برہمی کااظہار کیا۔

حیدرآباد: فرائض میں کوتاہی پر ایک خاتون ٹیچرکومعطل کردیاگیا۔یہ واقعہ تلنگانہ کے ضلع کومرم بھیم آصف آباد میں پیش آیا۔یہ خاتون ٹیچر،باباپور۔گگن پورمواضعات کے سرکاری اسکول میں برسرخدمت تھی۔

اس کی معطلی کے احکام، منگل کی شب، ڈسٹرکٹ ایجوکیشنل آفیسراشوک نے جاری کئے۔ان احکام میں کہاگیا کہ اسکول اسسٹنٹ کو فرائض میں کوتاہی،اسکول میں نامناسب رویہ کے سبب معطل کردیاگیا ہے۔

اس خاتون ٹیچر پر طالبات کی تصاویر اورویڈیوز لے کرنامعلوم افراد کو بھیجنے کا الزام ہے۔بتایاجاتا ہے کہ یہ ٹیچر، اجنبی افراد کے ساتھ فون پر بات کرنے کے لئے بھی طالبات پر دباو ڈال رہی تھی۔اس واقعہ پر لڑکیوں کے والدین اور طلبہ یونینوں نے برہمی کااظہار کیا۔