4کروڑکے جہیز کے بعد بھی سسرال کی ہراسانی، خاتون نے خودکشی کرلی

حیدرآباد: 4 کروڑ کا جہیز دے کر بھی ماں باپ اپنی بیٹی کی جان نہ بچا سکے۔ شوہر اور سسرالی افراد کی ہراسانی سے تنگ خاتون نے خودکشی کرلی۔ پولیس ذرائع کے بموجب کواڈی گوڑہ کی 30 سالہ خاتون امراوتی کی شادی 2019ء میں گجولہ رامارم کے ابھیلیش سے ہوئی۔ انھیں 2 بچے ہیں۔

شادی کے وقت امراوتی کے والدین نے نقد رقم، پلاٹ اور جیولری کل ملاکر 4 کروڑ روپئے کا جہیز دیا تھا۔ کچھ عرصہ سے شوہر اور سسرالی افراد نے خاتون امراوتی کو ہراساں کررہے تھے۔

 امراوتی نے ہراسانی سے تنگ آکر اپنے سسرالی مکان میں پھانسی لے کر خودکشی کرلی۔ سورم پولیس نے ایک مقدمہ درج کرکے تحقیقات کا آغاز کردیا۔