سابق کرکٹر میتھالی راج کی جے پی نڈا سے ملاقات

حیدرآباد: ہندوستانی ویمنس کرکٹ ٹیم کی سابق کپتان میتھالی راج نے ہفتہ کے روز یہاں شمس آباد میں راجیو گاندھی انٹر نیشنل ایر پورٹ کے قریب شہر کے ایک ہوٹل میں بی جے پی کے قومی صدر جے پی نڈا سے ملاقات کی۔ بعدازاں انڈا نے ٹوئٹ کرتے ہوئے کہا کہ سابق کرکٹر میتھالی راج کے ساتھ بات چیت ہوئی۔

 پارٹی لیڈر شپ کی خواہش پر میتھالی نے نڈا سے ملاقات کی نڈا کے ساتھ میتھالی راج کی بات چیت، تلنگانہ بی جے پی یونٹ  کے سیبلیریٹز کو پارٹی میں شامل کرانے کے منصوبہ کی ایک کڑی ہے۔

اسی ہوٹل میں رات میں تلگو فلمی اداکار نتن بھی نڈا سے ملاقات کریں گے۔ واضح رہے کہ امیت شاہ کے حالیہ دورہ تلنگانہ کے موقع پر جونیر این ٹی آر نے بھی مرکزی وزیر داخلہ امیت شاہ سے ملاقات کی تھی۔