کے کویتا نے نکہت زرین کو تہنیت پیش کی
کویتا نے آج یہاں اپنے مکان میں دولت مشترکہ کھیلوں کی گولڈ میڈلسٹ نکہت زرین کو تہنیت پیش کی۔ نکہت نے نہ صرف باکسنگ کا ورلڈ چمپئن خطاب اپنے نام کیا۔
حیدرآباد: ٹی آر ایس کی ایم ایل سی کے کویتا نے آج یہاں اپنے مکان میں دولت مشترکہ کھیلوں کی گولڈ میڈلسٹ نکہت زرین کو تہنیت پیش کی۔ نکہت نے نہ صرف باکسنگ کا ورلڈ چمپئن خطاب اپنے نام کیا بلکہ انہوں نے حالیہ منعقدہ دولت مشترکہ کے کھیلوں میں گولڈ میڈل جیت کر دنیا بھر میں ملک اور تلنگانہ کا نام بلند کیا ہے۔
تمام تلنگانہ عوام کو اس ہونہار کھلاڑی پر فخر ہے اور یہ کھلاڑی دیگر اتھیلینس کیلئے ایک رول ماڈل بن گئی ہیں نظام آباد کی نکہت نے مکان کی تعمیر کیلئے قطعہ اراضی کی منظوری دینے اور2کروڑ روپے بطور انعام دینے پر چیف منسٹر کے سی آر سے اظہار تشکر کیا۔
