گورنر اور کے کویتا کا آمنا سامنا
چیف منسٹر تلنگانہ کے چندر شیکھر راؤ اور گورنر ڈاکٹر تمیلی سائی سوندرا راجن کے درمیان اختلافات اب چیف منسٹر کے افراد خاندان تک پہنچ گئے ہیں۔
حیدرآباد: چیف منسٹر تلنگانہ کے چندر شیکھر راؤ اور گورنر ڈاکٹر تمیلی سائی سوندرا راجن کے درمیان اختلافات اب چیف منسٹر کے افراد خاندان تک پہنچ گئے ہیں۔
گذشتہ روز گورنر ڈاکٹر تمیلی سائی سوندرا راجن نے شمس آباد میں اماں پلی سیتا راما چندر سوامی مندر پہنچی جہاں ذمہ داروں کی جانب سے مندر کے احاطہ میں بتکماں تقاریب منعقد کی گئی تھیں ان تقاریب میں ٹی آر ایس رکن کونسل کے کویتا اور امریکی قونصل جنرل جنیفر لارسن بھی شرکت کررہے تھے۔
یہاں گورنر اور کے کویتا کا آمنا سامنا ہوا۔ دونوں نے ایک دوسرے کی خیریت معلوم کی۔
گورنر نے بتکماں تقاریب میں شرکت سے گریز کرتے ہوئے مندر میں صرف پوجا کی اور واپس چلی گئیں۔ مندر کے ذمہ دار، گورنر کے اس اچانک دورے پر ششدررہ گئے۔
