3 کاروں کا تصادم، 2 افراد ہلاک

حیدرآباد: شہرحیدرآباد کے بنجاراہلز علاقہ میں تین کاروں کے تصادم کے واقعہ میں دوافرادہلاک اور دو افرادزخمی ہوگئے۔یہ حادثہ کل شب بنجاراہلز روڈ نمبر3پر اُس وقت پیش آیا جب ایک کار کے ڈرائیور نے اس کا توازن کھودیااور یہ کار،سڑک پر ٹہری ہوئی دو کاروں سے ٹکراگئی۔

اس حادثہ میں دو افراد ہلاک ہوگئے اور دیگر دو شدید زخمی ہوگئے۔زخمیوں کو علاج کے لئے فوری طورپر اسپتال منتقل کیاگیا۔

پولیس نے شبہ ظاہر کیا کہ تیز رفتاری کے ساتھ گاڑی چلانے کے نتیجہ میں یہ حادثہ پیش آیا۔پولیس نے اس سلسلہ میں ایک معاملہ درج کرکے جانچ شروع کردی۔