حیدرآباد

جامعہ نظامیہ حیدرآباد میں جلسہ ختم بخاری شریف

علوم اسلامیہ کی عظیم دینی درسگاہ جامعہ نظامیہ حیدرآباد میں بخاری شریف کی آخر ی حدیث کا درس اتوار 28 جنوری کو دس بجے دن زیر نگرانی مولانا سیدشاہ علی اکبر نظام الدین حسینی صابری امیر جامعہ نظامیہ مقرر ہے۔

حیدرآباد: علوم اسلامیہ کی عظیم دینی درسگاہ جامعہ نظامیہ حیدرآباد میں بخاری شریف کی آخر ی حدیث کا درس اتوار 28 جنوری کو دس بجے دن زیر نگرانی مولانا سیدشاہ علی اکبر نظام الدین حسینی صابری امیر جامعہ نظامیہ مقرر ہے۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
جامعہ نظامیہ میں درس بخاری شریف
41 برسوں کے بعد کسی وزیراعظم کا دورہ عادل آباد
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان

مولانا مفتی خلیل احمد شیخ الجامعہ جامعہ نظامیہ صدارت کریں گے اور بخاری شریف کی آخری حدیث کا درس دیں گے۔ مولانا ڈاکٹر محمد سیف اللہ شیخ الادب و نائب شیخ الجامعہ جامعہ نظامیہ خیر مقدمی کلمات ادا کریں گے۔

مولانا ڈاکٹر سید بدیع الدین صابری رکن جامعہ نظامیہ اسفار امام بخاریؒ و تحصیل حدیث پر خطاب کریں گے۔ تدوین حدیث و امام بخاریؒ کی شان کے عنوان سے مولانا حافظ سید صغیر احمد نقشبندی شیخ الحدیث جامعہ نظامیہ کا خطاب ہوگا۔

امام بخاریؒ کے فقہی مقام پر مولانا مفتی حافظ سید ضیا الدین نقشبندی شیخ الفقہ و مفتی جامعہ نظامیہ خطاب کریں گے۔ مولانا حافظ میر لطافت علی شیخ التفسیر جامعہ نظامیہ ختم بخاری کے موقع پر پڑھی جانے والی مستجاب و مقبول دعائے ختم بخاری پڑھیں گے۔

طلبہ جماعت فاضل سوم قرات، نعت اور اناشید پڑھیں گے۔ جلسہ میں حسب روایت جامعہ نظامیہ کے فارغین‘ علماء کرام اور مشائخ عظام شرکت کریں گے۔