بنجارہ ہلز پولیس اسٹیشن پر زنخوں کا دھرنا

حیدرآباد: شہرحیدرآبادکے بنجارہ ہلز پولیس اسٹیشن کے سامنے زنخوں نے دھرنادیا۔ زنخوں کے دوگروپس کے درمیان ہوئے جھگڑے کے بعد یہ دھرنا دیا گیا۔

دونوں گروپوں نے ایک دوسرے کے خلاف پولیس سے شکایت کی۔ ایک گروپ نے ان کی شکایت پر فوری کارروائی کا مطالبہ کرتے ہوئے پولیس اسٹیشن کے روبرو دھرنا دیا اور انصاف کا مطالبہ کیا۔

ایک گروپ نے پولیس سے اپیل کی کہ وہ فیصلہ کرے کہ کون نقلی ہے اور کون اصلی ہے؟

ایک گروپ نے انتباہ دیتے ہوئے کہا کہ اگر پولیس سے انصاف نہیں ملا تو وہ اجتماعی خودسوزی کرلیں گے۔ پولیس نے دونوں گروپوں سے بات کی۔ اس واقعہ کے ویڈیوز سوشل میڈیا پر وائرل ہو رہے ہیں۔