تلنگانہ میں شدید بارش کا امکان

حیدرآباد: تلنگانہ کے اضلاع نرمل، نظام آباد، نلگنڈہ، رنگاریڈی، جگتیال، بھدرا دری کتہ گوڑم، کھمم، وقار آبادت محبوب نگر، ناگر کرنول، ونپرتی، نارائن پیٹ اور جوگولامبا گدوال میں آئندہ24گھنٹوں کے دوران کہیں کہیں شدید بارش کا امکان ہے۔

مرکز موسمیات نے جمعہ کے روز یومیہ رپورٹ میں بتایا کہ 7 سے11 اکتوبر تک ریاست کے تمام اضلاع میں کہیں کہیں گرج چمک کے ساتھ بارش ہوگی۔ ریاست کے تمام اضلاع کے بعض مقامات پر آئندہ منگل تک ہلکی تا اوسط بارش یا گرج چمک کے ساتھ بوندا باندی ہوگی۔

 ریاست میں جنوب مغربی مانسونش شدت اختیار کرگیا ہے۔ گذشتہ 24 گھنٹوں کے دوران ریاست کے اضلاع سرسلہ، وقار آباد، ونپرتی، اور ناگر کرنول میں کہیں کہیں شدید بارش ہوگی۔