کے بی آر پارک بنجارہ ہلز میں اداکارہ کو ہراساں کرنے والا شخص گرفتار

حیدرآباد: شہرحیدرآباد کے بنجارہ ہلز کے بی آر پارک میں فلم اداکارہ کو تلخ تجربہ کا سامنا کرناپڑا۔ کے بی آر پارک میں چہل قدمی کے لیے جانے والی اداکارہ کا ایک نوجوان نے تعاقب کیااوراداکارہ کو ہراساں کیا۔

اداکارہ نے کے بی آر پارک کے سیکوریٹی کو اس کی اطلاع دی اور پولیس میں شکایت درج کرائی۔ پولیس نے فوری طور پر موقع پر پہنچ کر ملزم کو گرفتار کر لیا۔پولیس کے مطابق کونڈاپور بوٹانیکل گارڈن کے قریب رہنے والی یہ اداکارہ کل شب چہل قدمی کیلئے پارک آئی تھی۔

اس کا تعاقب کرنے والے اس نوجوان کو اداکارہ کی جانب سے باز رہنے کی خواہش اور انتباہ کے باوجود یہ نوجوان اس کا تعاقب کررہا تھا۔ملزم کی شناخت شیکھر کے طورپر کی گئی ہے۔