تلنگانہ یونیورسٹیوں کے وائس چانسلرس کے تقررات، اعلامیہ جاری۔اہل افراد سے درخواستیں مطلوب

حیدرآباد: محکمہ اعلیٰ تعلیم نے تلنگانہ کی 10 یونیورسٹیزکے نئے وائس چانسلرس کے تقررات کیلئے اعلامیہ جاری کیاہے۔

ان یونیورسٹیزکے موجودہ وائس چانسلر س کی تین سالہ میعادمئی میں ختم ہونے جارہی ہے۔

نئے وائس چانسلرس کے تقررکیلئے اہل افراد سے درخواستیں طلب کرتے ہوئے پرنسپل سکریٹری محکمہ تعلیمات بی ینکٹیشم نے اعلامیہ جاری کیا۔28جنوری سے 12 فروری کی شام 5 بجے تک درخواستیں داخل کی جاسکتی ہیں۔

حکومت کی جانب سے جئے این ٹی یو اور عثمانیہ یونیورسٹی (حیدرآبا د)کاکتیہ یونیورسٹی‘ ورنگل‘ تلنگانہ یونیورسٹی نظام آباد‘شاتاوہانہ یونیورسٹی کریم نگر‘پالمورو یونیورسٹی محبوب نگر‘ مہاتماگاندھی یونیورسٹی نلگنڈہ‘ تلگویونیورسٹی‘اگریکلچر یونیورسٹی اور ڈاکٹر بی آر امبیڈکر اوپن یونیورسٹی حیدرآباد کیلئے نئے وائس چانسلرس کا تقرر کیا جائے گا۔

تفصیلات www.tsche.ac.in پرحاصل کی جاسکتی ہیں۔