مشرق وسطیٰ

متحدہ عرب امارات کے عمرہ زائرین کیلئے خوشخبری

متحدہ عرب امارات کے رہائشیوں کے لیے سعودی عرب کی جانب سے عمرہ کی مزید سہولیات کا اعلان کیا گیا ہے۔

ابوظہبی: متحدہ عرب امارات کے رہائشیوں کے لیے سعودی عرب کی جانب سے عمرہ کی مزید سہولیات کا اعلان کیا گیا ہے۔

متعلقہ خبریں
متحدہ عرب امارات میں رمضان میں 4 ہزار اشیا پر 25 سے 75 فیصد رعایت ہوگی
عرب امارات میں پرائیویسی کی خلاف ورزی پر بھاری جرمانہ
یو اے ای میں 500 درہم کا نیا نوٹ لین دین کیلئے دستیاب
ہند۔ امریکہ۔ سعودی۔ امارات، ریلوے معاملت کا اعلان متوقع
تیل کی پیداوار میں کمی، یو اے ای اور کویت کا اہم فیصلہ

غیر ملکی ذرائع ابلاغ کے مطابق حج و عمرہ کے وزیر توفیق الربیعہ کی جانب سے یو اے ای سے حج اور عمرہ زائرین کی تعداد کو بڑھانے کے لیے متعدد سہولیات میں اضافہ کردیا گیا ہے۔

النسک حج پلیٹ فارم کے حتمی بیان کے مطابق، الربیعہ کا کہنا ہے کہ یو اے ای کے باشندے اب عمرہ کے لیے ملٹی انٹری الیکٹرانک ویزا استعمال کر سکتے ہیں، جس سے مملکت میں سالانہ 90 دن تک سکونت اختیار کی جاسکتی ہے۔

الربیعہ نے دبئی سے مدینہ منورہ تک سعودی ائیرلائن کی پروازوں کے آغاز سے متعلق بھی آگاہی فراہم کی کہ ہفتہ وار تین پروازیں پیش کی جا رہی ہیں۔ رمضان المبارک کے لیے روزانہ ایک پرواز بڑھادی جائے گی۔

مزید برآں، دبئی اور جدہ کے درمیان پروازوں کی تعداد ہفتہ وار 29 ہو جائے گی، انہوں نے ابوظہبی سے جدہ اور مدینہ منورہ کے لیے کم لاگت والی پروازوں کا تذکرہ کیا۔