آؤٹر رنگ روڈ پر سڑک حادثہ، 2 افراد ہلاک

حیدرآباد: شہر حیدرآباد میں نہرو آوٹر رنگ روڈ (او آر آر) پر اتوار کے روز پیش آئے ایک سڑک حادثہ میں 2 افراد ہلاک دیگر8 زخمی ہوگئے۔ پولیس کے مطابق ایک کار روڈ ڈئیوائڈر سے ٹکرانے کے بعد سڑک کی دوسری سمت ایک اور کار سے ٹکرا گئی۔

راچہ کنڈہ پولیس کمشنریٹ کے کیسرا پولیس (ضلع میڑچل ملکاجگری) اسٹیشن کے حدود میں پیش آیا۔ پولیس نے مزید بتایا کہ مرسٹیز۔بنز کار، ڈرائیور کے قابو سے باہر ہوگئی اور ڈیوائیڈر سے ٹکرا گئی ۔

یہ کار، گھٹکیسر سے آرہی تھی تیز رفتار کار، سڑک کے دوسری جانب مخالف سمت سے آنے والی کیاپ سے ٹکرا گئی۔ زخمیوں کو قریبی ہاسپٹل میں شریک کرایا گیا ہے۔اس حادثہ کے سبب دونوں گاڑیاں تباہ ہوگئی۔ ایک ہفتہ سے بھی کم عرصہ میں او آر آر پریہ دوسرا حادثہ ہے۔