تلنگانہ: 9میڈکل کالجس اورملحقہ ہاسپٹلس میں عہدوں کو پُرکرنے کی اجازت

حیدرآباد: تلنگانہ حکومت نے9میڈکل کالجس اور ان سے ملحقہ سرکاری جنرل اسپتالوں میں 3,897 عہدوں کو پُرکرنے کی اجازت دی ہے۔راجناسرسلہ، کاماریڈی، وقارآباد،کھمم، کریم نگر، جئے شنکربھوپال پلی، کومرم بھیم آصف آباد، جنگاوں اور نرمل کے 9نئے میڈیکل کالجس اور ملحقہ گورنمنٹ جنرل اسپتالوں میں سے ہر کالج کے لئے 433عہدے منظور کئے گئے ہیں۔

وزیر ہریش راؤ نے اس سلسلے میں ٹویٹ کرتے ہوئے کہا کہ میڈیکل کالجوں میں نئے عہدوں کی منظوری پر خوشی کا اظہار کیا۔ انہوں نے کہا کہ چیف منسٹر کے چندرشیکھرراو کی قیادت میں صحت مند تلنگانہ نے ایک اور قدم آگے بڑھایا ہے۔ انہوں نے کہا کہ ہر ایک کو علاج کی سہولت دستیاب کروانے کی سمت اقدامات کئے جا رہے ہیں۔