حیدرآباد

چارمینار کے اطراف کاماحول غمگین۔ سیاہ پرچم لہرائے گئے

تاریخی چارمینارکے اطراف کا ماحول اس وقت سوگواردیکھاگیا جبکہ آصف ثامن نواب میر برکت علی خان مکرم جاہ بہادر کے جسدخاکی کوسپردخاک کرنے کے لئے مکہ مسجد لایاگیا۔

حیدرآباد: چارمیناراوراس کے اطراف عموماً گہماگہمی دیکھی جاتی ہے مگر چہارشنبہ کے روز اس تاریخی چارمینارکے اطراف کا ماحول اس وقت سوگواردیکھاگیا جبکہ آصف ثامن نواب میر برکت علی خان مکرم جاہ بہادر کے جسدخاکی کوسپردخاک کرنے کے لئے مکہ مسجد لایاگیا۔

متعلقہ خبریں
کے ٹی آر کے دورہ پرانے شہر نے عوام کو حیران کردیا
چارمینارکے قریب چوڑیوں کی دکان پر چند شرپسندوں کا حملہ
امریکی سفیر کا دورہ چارمینار، ایرانی چائے نوش کی
ریونت ریڈی کو عہدہ سے ہٹائے جانے کا خوف: بنڈی سنجے

اس علاقہ کے عوام‘مکرم جاہ بہادر کے غم میں سوگ منارہے تھے اورجگہ جگہ سیاہ پرچم لہرائے گئے۔ چارمینار کے اطراف واکناف کے دکانات کوبطورسوگ بندرکھاگیا۔

نظام میوزیم‘ سالارجنگ میوزیم اورنظام خاندان کے افراد کے زیراہتمام چلائے والے تعلیمی ادارے ہنوز بندتھے۔

اس علاقہ کے ایک 60سالہ شخص نے بتایا کہ اگرچیکہ انہوں نے مکرم جاہ بہادر کوپہلے کبھی نہیں دیکھا تھا لیکن ان کے بارے میں ضرورسناہوں کہ وہ کئی تعلیمی وطبی ادارے چلاتے ہیں اور مکرم جاہ ترکی میں رہتے ہیں۔

آصف ثامن کاآخری سفر چومحلہ پیالیس سے شروع ہواجوپنچ محلہ سے ہوتاہوا مکہ مسجد پہونچا۔مکہ مسجدتک پہونچے کے لئے تقریباً ڈھائی تاتین گھٹنے لگے۔