حیدرآباد

ملک کے کسان تلنگانہ کے چیف منسٹر کی طرف دیکھ رہے ہیں: ہریش راؤ

ہریش راؤ نے کہاکہ پڑوسی ریاست کی حکومت 4 دن کے وقفہ سے ایک مرتبہ پینے کا پانی فراہم کرتی ہے۔انہوں نے کہاکہ تلنگانہ کے سوا 16 ریاستوں میں خواتین کو وظائف نہیں دیئے جاتے۔

حیدرآباد: وزیر صحت ہریش راو نے ملک کے کسان آج تلنگانہ کے وزیراعلی کے چندرشیکھرراو کی طرف دیکھ رہے ہیں۔ ڈبل انجن کی مہاراشٹر حکومت میں کسانوں کافی پریشان ہیں جہاں کے150 کسانوں کا ایک وفد جس نے ریاست کا دورہ کیا۔

متعلقہ خبریں
کنٹراکٹ کے 19 یونانی میڈیکل آفیسرس کوحکومت نے مستقل کردیا
عوام کی آنکھوں کی حفاظت میں حکومت کا ناقابل تسخیر ریکارڈ
41 برسوں کے بعد کسی وزیراعظم کا دورہ عادل آباد
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان

 تلنگانہ میں کسانوں کے مفاد میں چندرشیکھرراو حکومت کے اقدامات سے کافی متاثر ہوا۔چونکہ وزیراعلی چندرشیکھرراو خود کسان ہیں، اسی لئے وہ کسانوں کے مسائل سے بہتر طورپر واقف ہیں اور کسانوں کی بہبود کے لئے انہوں نے کئی اقدامات کئے ہیں۔انہوں نے کہا کہ ریاستی حکومت کسانوں کے لیے بجلی خریدتی ہے اور کسانوں کو یہ بجلی مفت دی جاتی ہے۔

انہوں نے کہاکہ پڑوسی ریاست کی حکومت 4 دن کے وقفہ سے ایک مرتبہ پینے کا پانی فراہم کرتی ہے۔انہوں نے کہاکہ تلنگانہ کے سوا 16 ریاستوں میں خواتین کو وظائف نہیں دیئے جاتے۔

انہوں نے مودی حکومت پر تنقید کرتے ہوئے کہاکہ مودی حکومت نے اڈانی کا 16 ہزار کروڑ کا قرض معاف کر دیا ہے۔انہوں نے کہاکہ ملک میں 16لاکھ ملازمتیں خالی ہیں تاہم بی جے پی حکومت کچھ نہیں کررہی ہے۔

وزیرموصوف نے سدی پیٹ ضلع کے بنجاروپلی میں بی آرایس کے اجلاس سے خطاب کرتے ہوئے کہا کہ تشکیل تلنگانہ سے پہلے 2014 میں 30 کروڑ 28 لاکھ روپے مالیت کے دھان کی کٹائی ہوئی تھی تاہم گزشتہ سال 344 کروڑ 16 لاکھ روپے مالیت کے دھان کی کٹائی ہوئی ہے۔

انہوں نے کہاکہ وزیراعلی کے چندرشیکھرراو ووٹوں کیلئے نہیں بلکہ ترقی کیلئے کام کررہے ہیں۔انہوں نے تلنگانہ پبلک سرویس کمیشن کے پرچہ لیک معاملہ کا حوالہ دیتے ہوئے کہا کہ حکومت اس کے ذمہ داروں کے خلاف کارروائی کرے گی۔