ویڈیو: پولیس کی گاڑی نے وائی ایس شرمیلا کو کار سمیت کھینچ لیا

حیدرآباد: حیدرآباد کی سڑکوں پر آج ایک حیران کر دینے والا منظر دیکھا گیا جب پولیس کے ذریعہ لائی گئی کرین آندھرا پردیش کے چیف منسٹر وائی ایس جگن موہن ریڈی کی بہن وائی ایس شرمیلا کی کار کو لے گئی۔ اس دوران شرمیلا بھی کار کے اندر موجود تھیں۔ اس سے قبل گزشتہ روز پولیس نے شرمیلا کو حراست میں لے لیا تھا۔

دراصل، وائی ایس شرمیلا کی وائی ایس آر تلنگانہ پارٹی نے کے چندر شیکھر راؤ حکومت کے خلاف پد یاترا شروع کی ہے۔ ورنگل میں برسراقتدار تلنگانہ حکومت کیخلاف ایک احتجاجی ریالی کے دوران ٹی آر ایس کے حامیوں اور وائی ایس آر کانگریس کے کارکنوں کے درمیان تصادم ہوا۔ جس کے بعد انہیں کچھ دیر کے لیے حراست میں لے لیا گیا تھا۔

آج صبح شرمیلا نے چیف منسٹر کے چندر شیکھر راؤ کی سرکاری رہائش گاہ پرگتی بھون میں پارٹی کی احتجاجی ریالی میں شرکت کی۔ وہ اپنی گاڑی میں بیٹھنے کے فوراً بعد، پولیس کرین لے کر آئی جس نے ان کی کار کو کھینچ لیا۔

 آج منظر عام پر آنے والی ویڈیو میں دیکھا جا سکتا ہے کہ کرین ان کی گاڑی کو کھینچ رہی ہے اور وہ گاڑی کے اندر ہے۔ اس دوران ان کے حامی ایک ساتھ بھاگ رہے ہیں۔ اس کے ساتھ کل کی جھڑپ کے دوران ان کی گاڑی کے شیشے میں دراڑ بھی نظر آرہی ہے۔

کل ورنگل کے نرسم پیٹ میں خطاب کرتے ہوئے شرمیلا نے ٹی آر ایس کے مقامی ایم ایل اے پیڈی سدرشن ریڈی پر تنقید کی۔ مبینہ طور پر ان کی طرف سے کئے گئے ان تبصروں سے کے سی آر کی قیادت میں پارٹی کارکنوں نے مشتعل ہو کر ان کی گاڑی پر حملہ کر دیا جس کے بعد ان کے حامیوں نے جوابی کارروائی کی۔

اسی دوران جب وہ کل پولیس تحویل میں لینے پر وہ چیخ رہی تھی کہ مجھے کیوں گرفتار کر رہے ہیں میں یہاں متاثرہ ہوں، ملزم نہیں۔

شرمیلا کی پدیاترا نے اب تک تقریباً 3500 کلومیٹر کا فاصلہ طے کیا ہے۔ انہوں نے کے چندر شیکھر راؤ حکومت پر بدعنوانی کا الزام لگایا ہے اور ان الزامات پر یہ پد یاترا شروع کی ہے۔