شوہر کے ہاتھوں اسکول ٹیچر کا قتل
پولیس کے بموجب 32 سالہ کریم بیگم جو خانگی ٹیچر کی حیثیت سے ملازم تھیں، اس خاتون کے شوہر محمد یوسف نے بحث و تکرار کے بعد سر پر لوہے کی سلاخ سے حملہ کردیا جس کے نتیجہ میں مذکورہ خاتون مقام واقعہ پر ہی ہلاک ہوگئی۔
حیدرآباد: لنگر ہاؤز پولیس اسٹیشن کے حدود میں ایک خاتون اسکول ٹیچر کی دن دہاڑے قتل کی واردات پیش آئی۔
پولیس کے بموجب 32 سالہ کریم بیگم جو خانگی ٹیچر کی حیثیت سے ملازم تھیں، اس خاتون کے شوہر محمد یوسف نے بحث و تکرار کے بعد سر پر لوہے کی سلاخ سے حملہ کردیا جس کے نتیجہ میں مذکورہ خاتون مقام واقعہ پر ہی ہلاک ہوگئی۔
پولیس نے بتایا کہ کریم بیگم، شوہر سے بحث و تکرار کے بعد مکان سے باہر نکل گئی تھی، ملزم محمد یوسف نے خاتون کا پیچھا کر کے مصروف ترین مقام پر لوہے کی سلاخ سے حملہ کردیا اور خاتون کو موت کے گھاٹ اتار دیا۔
لنگر ہاؤز پولیس نے مقدمہ درج کرکے تحقیقات کا آغاز کردیا ہے۔
پولیس نے مذکورہ ملزم کو تحویل میں لے لیا۔ لاش کو عثمانیہ جنرل ہاسپٹل کے مردہ خانہ میں بغرض پوسٹ مارٹم منتقل کردیا گیا ہے۔
