مہاراشٹرا

راہول گاندھی ثابت کریں کہ ساورکر نے معافی مانگی تھی: رنجیت ساورکر

گاندھی کے اس بیان پر کہ میرا نام ساورکر نہیں، گاندھی ہے اور گاندھی کبھی کسی سے معافی نہیں مانگتا“ بی جے پی چراغ پا ہوگئی۔

ممبئی: ہندوتوا کے آنجہانی نظریہ ساز وی ڈی ساورکر کے پوتے نے راہول گاندھی کے بیان پر ان کے خلاف کارروائی کا مطالبہ کیا اور کانگریس لیڈر کو چیلنج کیا کہ وہ یہ ثابت کرنے دستاویزات دکھائیں کہ ان کے دادا نے انگریزوں سے معافی مانگی تھی۔

متعلقہ خبریں
بی جے پی میں دستور بدلنے کی ہمت نہیں: ر اہول گاندھی
الیکٹورل بانڈس اسکیم، جبری وصولی ریاکٹ: راہول گاندھی (ویڈیو)
راہول گاندھی، بی جے پی کو کڑی ٹکر دینے کسی اور حلقہ کا رخ کریں: ڈی راجہ
مودی کے رام راج میں دلتوں کو نوکری نہیں ملتی: راہول گاندھی
انڈیا بلاک کی حکومت بننے پر 50 فیصد ریزرویشن کی حد برخاست کردینے راہول گاندھی کا وعدہ

گاندھی کے اس بیان پر کہ میرا نام ساورکر نہیں، گاندھی ہے اور گاندھی کبھی کسی سے معافی نہیں مانگتا“ بی جے پی چراغ پا ہوگئی۔

اس طرح کے تبصروں کو بچکانہ قرار دیتے ہوئے ساورکر کے پوتے رنجیت ساورکر نے کہا کہ راہول گاندھی کہہ رہے ہیں کہ وہ معافی نہیں مانگیں گے کیو ں کہ وہ ساورکر نہیں ہیں۔

میں وہ دستاویزات دکھانے کا چیلنج کرتا ہوں جو ثابت کرتے ہیں کہ ساورکر نے معافی مانگی تھی۔ سیاست چمکانے محب وطن افراد کے نام کا استعمال کرنا غلط اور شرمناک ہے۔ کارروائی ہونی چاہیے۔“