تلنگانہ

چلتی کار میں اچانک آگ لگ گئی

کار میں آگ کو دیکھ کر ڈرائیور نے فوری چوکسی کا مظاہرہ کرتے ہوئے کار سڑک کے کنارے روک دی اور اس میں سوار تمام افراد کو بحفاظت باہر نکال لیا جس کے نتیجہ میں تمام افراد کی جان بچ گئی۔

حیدرآباد: تلنگانہ کے رنگاریڈی ضلع کے پداعنبرپیٹ، آوٹررنگ روڈ پر چلتی کار میں اچانک آگ لگ گئی۔

یہ کار اے پی کے وشاکھاپٹنم سے حیدرآباد آرہی تھی کہ اچانک اس میں آگ لگ گئی۔

کار میں آگ کو دیکھ کر ڈرائیور نے فوری چوکسی کا مظاہرہ کرتے ہوئے کار سڑک کے کنارے روک دی اور اس میں سوار تمام افراد کو بحفاظت باہر نکال لیا جس کے نتیجہ میں تمام افراد کی جان بچ گئی۔

اس واقعہ میں کسی کے جھلسنے یا پھر کسی کی موت کی اطلاع نہیں ہے۔ فائربریگیڈ کے اہلکاروں نے آگ بجھانے کا کام کیا۔ سمجھاجاتا ہے کہ کار کے انجن میں یہ آگ لگی جس نے دیکھتے ہی دیکھتے پوری کار کو اپنی لپیٹ میں لے لیا۔