تلنگانہ کے تمام پاسپورٹ سنٹر24دسمبرکوکھلے رہیں گے

حیدرآباد: ریاست میں تمام پاسپورٹ سیوا کیندر 24 دسمبر کوکھلے رہیں گے۔آج ریجنل پاسپورٹ آفیسر داسری بالیا کی جانب سے جاری کردہ اطلاع میں بتایا گیاکہ حیدرآباد میں تین (امیرپیٹ‘بیگم پیٹ اور ٹولی چوکی) نظام آباد اورکریم نگر پاسپورٹ سیوا کیندروں کی خدمات سے 24دسمبرکوبھی استفادہ کیاجاسکتا ہے۔

24 دسمبرکوتمام پانچ پاسپورٹ سیوا کیندر کھلے رہیں گے۔تتکال اورعام درخواستوں کی تکمیل کی جائے گی۔

تاہم پوسٹ آفس پاسپورٹ سیوا کیندراس 24 دسمبر کوکام نہیں کریں گے۔داسری بالیانے درخواست گزاروں سے درمیانی افراد سے دور رہنے اورراست طورپر رجوع ہونے کا مشورہ دیا۔