نئے سکریٹریٹ کا 17 فروری کو افتتاح

حیدرآباد: ریاستی وزیر فینانس ٹی ہریش راؤنے کہاکہ حکومت تلنگانہ کی جانب سے تعمیر کردہ نئے سکریٹریٹ کی عمارت کا چیف منسٹرکے سی آر کے ہاتھوں 17 فروری کو افتتاح عمل میں آئے گا۔

نئے سکریٹریٹ کوڈاکٹر بی آر امبیڈکر کے نام سے موسوم کیاجائے گا۔7 منزلہ یہ عمارت 7 لاکھ مربع فٹ رقبہ پرتمام عصری سہولتوں کے ساتھ تعمیرکی گئی ہے۔

وزیر فینانس نے اپنی تقریر میں مقرر مدت میں اس عمارت کی تعمیر پر عہدیداروں‘انجینئرس اور ورکرس کی ستائش کی۔

سکریٹریٹ کے قریب ہی 147 کروڑ کی لاگت سے 125 فٹ بلند ڈاکٹر بی آر امبیڈکر کا مجسمہ نصب کیاجائے گا جو سارے ملک کے لئے فخر کاباعث ہوگا۔ حکومت آئندہ مارچ میں تمام کاموں کی تکمیل مکمل کرلیگی۔