نظام آباد: مکان پہ چھاپہ، 95 جلیٹن اسٹکس اور 10 ڈیٹونیٹر ضبط

حیدرآباد: تلنگانہ کے نظام آباد شہر کی نیو ہاؤسنگ بورڈ کالونی میں پولیس نے ایک مکان میں چھپائے گئے 95 جلیٹن اسٹکس اور 10 ڈیٹونیٹر ضبط کئے۔

پولیس نے اس سلسلہ میں بی سُگنا نامی خاتون کو گرفتار کر کے ریمانڈکردیا۔

خاتون نے پولیس سے کہا کہ کالیڈا علاقہ کے پرساد گوڑ نے اسے جلیٹن اسٹکس اور ڈیٹونیٹرس دیئے تھے۔

اس نے انکشاف کیا کہ پرساد گوڑ نے ان اشیا کو اس کے مکان میں رکھا تاکہ ضرورت پڑنے پر انہیں استعمال کیا جاسکے۔ پرساد گوڑ اور سُگنا آرمور کے ایم ایل اے جیون ریڈی کے قتل کی سازش کے ملزم ہیں۔

گذشتہ سال پرساد گوڑ کے سیکورٹی اہلکاروں نے حیدرآباد میں ایم ایل اے کے گھر میں بندوق کے ساتھ داخل ہونے کے بعد پرساد گوڑ کو پکڑ لیا تھا۔