چلتی بس میں اچانک دھواں نکلنے سے مسافرین خوفزدہ
تکنیکی خرابی کے سبب بس کے انجن کے حصہ سے یہ دھواں نکلنے لگا جس کے ساتھ ہی بس میں سوار مسافرین خوفزدہ ہوگئے جنہوں نے فوری طورپر ڈرائیور کو چوکس کیا۔ڈرائیور نے حاضر دماغی سے کام لیتے ہوئے بس کو شاہ میرپیٹ آوٹررنگ روڈ پر سڑک کے کنارے روک دیا
حیدرآباد: چلتی تلنگانہ اسٹیٹ روڈ ٹرانسپورٹ کارپوریشن(ٹی ایس آرٹی سی) کی بس میں اچانک دھواں نکلنے لگا۔یہ واقعہ تلنگانہ کے ضلع کریم نگر میں پیش آیاجس کے ساتھ ہی مسافرین میں تشویش کی لہردوڑگئی۔یہ بس کریم نگر سے حیدرآباد کی سمت جارہی تھی۔
ذرائع کے مطابق تکنیکی خرابی کے سبب بس کے انجن کے حصہ سے یہ دھواں نکلنے لگا جس کے ساتھ ہی بس میں سوار مسافرین خوفزدہ ہوگئے جنہوں نے فوری طورپر ڈرائیور کو چوکس کیا۔ڈرائیور نے حاضر دماغی سے کام لیتے ہوئے بس کو شاہ میرپیٹ آوٹررنگ روڈ پر سڑک کے کنارے روک دیا
اور فوری تمام مسافرین کو بس سے محفوظ طورپر اتارنے میں کامیابی حاصل کی جس سے مسافرین نے راحت کی سانس لی۔بعد ازاں ڈرائیور نے بس کے انجن کا معائنہ کیا۔بعد ازاں مسافرین کے لئے دوسری بس کا انتظام کرتے ہوئے ان کی منزل کی طرف بھیجاگیا۔
