تلنگانہ: امتحان میں شرکت کے لئے جارہی 15 نرسنگ طالبات سڑک حادثہ میں زخمی

حیدرآباد: نرسنگ کا امتحان تحریر کرنے کے لئے جانے کے دوران تلنگانہ کے ضلع نلگنڈہ میں پیش آئے سڑک حادثہ میں 15طالبات زخمی ہوگئیں۔

یہ حادثہ اس وقت پیش آیا جب ضلع نلگنڈہ کی قومی شاہراہ 65 پر تاٹیکل فلائی اوور سے سروس روڈ عبور کرنے کے دوران کالج کی بس کو پیچھے سے ایک لاری نے ٹکر دے دی۔

حادثہ کے سبب کالج کی بس الٹ گئی۔ اس بس میں پی جی کالج آف نرسنگ کا طالبات نلگنڈہ میں امتحان لکھنے جارہی تھیں۔

حادثہ کے وقت کالج کی بس میں تقریباً 40 طالبات سوار تھیں جن میں 15 زخمی ہوگئیں۔ ان میں تین کی حالت تشویشناک بتائی جاتی ہے۔

حادثہ کی اطلاع ملتے ہی پولیس موقع پر پہنچ گئی۔ پولیس نے راحت کاموں کا آغاز کیا اور بس کو سڑک سے ہٹاتے ہوئے اس سڑک پرٹریفک کوبحال کیا۔