قطر اسٹیڈیمس کے تعمیری کام کا حصہ بننے پر فخر ہے : انجینئر شاہد علی

ممبئی: قطر میں فیفا ورلڈکپ 2022 کا آغاز شاندار انداز میں ہوا ہے۔ اس موقع پر مہاراشٹرا کے ناگپور سے تعلق رکھنے والے انجینئر شاہد علی نے جو اسٹیڈیم کی تعمیراتی ٹیم کا حصہ تھے، اپنے تجربات بیان کئے۔

انہوں نے کہاکہ اسٹیڈیم بنانا ایک چیلنجنگ کام ہے۔ انہوں نے کہاکہ قطر اسٹیڈیم میں فیفا ورلڈ کپ 2022 کی افتتاحی تقریب دیکھ کر بہت خوشی ہوئی۔ شاہد علی نے اسٹیڈیم کی تعمیراتی ٹیم کا حصہ بننے پر خوشی کا اظہار کیا۔

Nagpur, Maharashtra | It feels really good to see the opening ceremony of the FIFA World Cup 2022 at Qatar Stadium. It is a proud feeling to be a part of the construction team of the stadium. Working In Qatar during extreme temperatures was a challenging task: Engineer Shahid Ali pic.twitter.com/HDYRfSJc7F

— ANI (@ANI) November 20, 2022

انہوں نے کہاکہ شدید درجہ حرارت کے درمیان قطر میں کام کرنا ایک مشکل کام ہے۔ شاہد نے بتایاکہ وہ 2017 میں اس وقت قطر گئے تھے جب اسٹیڈیم کی تعمیر کا کام شروع ہوا تھا۔

چین، برطانیہ اور آسٹریلیا کے بشمول 35 ممالک کے لوگ ان کے ساتھ کام کرچکے ہیں۔ انہوں نے واضح کیا کہ زمینی سطح (کارکنان) سے لیکر اعلیٰ انتظامیہ (ڈائرکٹر) تک ہندوستانی ہیں۔

فیفا ورلڈکپ 2022 کا آغاز 20 نومبر کو قطر میں ہوا۔ یہ مقابلے 18 دسمبر تک جاری رہیں گے۔ قطر بھر کے 8 اسٹیڈیم ٹورنامنٹ کے 64 میچوں کی میزبانی کریں گے۔