ماں امپائر‘ بیٹی انٹرنیشنل کھلاڑی

ڈھاکہ: یہ بات سچ ہے کہ اگر مسلسل کوشش کی جائے تو خواب سچ ہوسکتے ہیں۔

سلیمہ امتیاز کی کہانی اس حقیقت کی ضمانت دیتی ہے کہ کسی کو اپنے خوابوں کے تعاقب میں کبھی بھی دل نہیں ہارنا چاہیے۔

پاکستان کی خواتین کھلاڑی کائنات امتیاز کی والدہ سلیمہ نے اپنے خواب کو اس وقت پورا کیا جب انہوں نے بنگلہ دیش میں جاری ویمنز ایشیا کپ میں امپائرنگ کی۔

انہوں نے ہندوستان اور سری لنکا کے درمیان میاچ میں امپائرنگ کے فرائض انجام دیئے۔

سلیمہ ابتداء میں کرکٹر بننا چاہتی تھیں لیکن کھیل میں اپنا کیریر نہیں بناسکیں۔ تاہم انہوں نے بین الاقوامی میاچس میں امپائرنگ کا خواب پورا کرلیا۔

اس پرمسرت موقع پر کائنات نے اپنی والدہ کیلئے ایک پیارا پیغام پوسٹ کیا‘ انہیں مبارکباد دی اور بتایاکہ کس طرح ان کی والدہ ہمیشہ سے کرکٹ کی دیوانی تھیں۔

کائنات نے اپنے والد کیلئے نیک تمناؤں کا اظہار کیا کیونکہ انہوں نے ہمیشہ اپنی بیوی کا ساتھ دیا اور انہیں اپنے خوابوں کو پورا کرنے کی ترغیب دی۔