پٹھان برادرس نے اپنے ووٹ کا استعمال کیا

وڈدودرا: گجرات اسمبلی انتخابات کے دوسرے مرحلہ کیلئے آج ووٹنگ ہوئی۔ دوسرے مرحلہ میں وزیر اعلی بھوپیندر پٹیل‘ پاٹیدار لیڈر ہاردک پٹیل اور الپیش ٹھاکر کے علاوہ دیگر کئی اہم لیڈرس اپنی قسمت آزمارہے ہیں۔

اس دوران آج کرکٹرس نے بھی اپنے ووٹ کا استعمال کیا۔ ان میں ہندوستانی ٹیم کے سابق آل راونڈرس پٹھان برادرس بھی شامل ہیں جنہوں نے ارکان خاندان کے ساتھ وڈودرا کے ایک پولنگ بوتھ پر اپنے ووٹ کا استعمال کیا۔

عرفان پٹھان نے ووٹ کاسٹ کرنے کے بعد میڈیا سے بات کرتے ہوئے کہاکہ ووٹ دینا ہمارا حق اور ذمہ داری ہے۔

عرفان پٹھان نے کہاکہ مجھے امید ہے کہ ہمارا ملک آنے والے وقت میں سوپرپاور بن سکتاہے۔ یوسف پٹھان نے بھی اپنے ووٹ کے حق کا استعمال کرنے کے بعد میڈیا سے بات کی۔