بطخ اور بلی کی دوستی سوشیل میڈیا پر وائرل، پارک میں لوگوں کی آمد میں اضافہ

ریاض: سعودی عرب میں سوشل میڈیا کی ویب سائٹس پر بطخ اور بلی کی غیر معمولی دوستی کے چرچے ہو رہے ہیں جن کی تصاویر اور ویڈیوز کو #كبلز_الخبر کے نام سے شئیر کیا جارہا ہے۔

گزشتہ کچھ ایام سے الخبر کورنش کی بطخوں والی جھیل میں سیر کے لیے آنے والے افراد نے نوٹ کیا کہ ایک بلی اور بطخ میں غیر معمولی دوستی ہے۔

اسی دوران کسی صارف نے ان کی اٹھکھیلیوں کو کیمرے میں ریکارڈ کر کے سوشل میڈیا پر چڑھا دیا جو وائرل ہو گیا۔

مرد کیا، عورتیں اور بچے کیا، سوشل میڈیا ایکٹویسٹ کیا یہاں تو ٹی وی چینل والے کیمرے لے کر بیچاری بلی اور بطخ کے پیچھے پیچھے بھاگتے پھر رہے ہیں۔