مشرق وسطیٰ

اسرائیل نے غزہ میں 752 شہری رہائشی عمارتیں تباہ کر دیں: حماس

اسرائیل نے غزہ پر جارحانہ فضائی حملے کرکے تقریباً 752 رہائشی عمارتوں کو تباہ کر دیا ہے۔ یہ اطلاع ایک فلسطینی اہلکار نے جمعرات کے روز دی۔

غزہ: اسرائیل نے آج غزہ پر جارحانہ فضائی حملے کرکے تقریباً 752 رہائشی عمارتوں کو تباہ کر دیا ہے۔ یہ اطلاع ایک فلسطینی اہلکار نے جمعرات کے روز دی۔

متعلقہ خبریں
غزہ کے عوام کا تاریخی صبر جس نے اسلام کا سر بلند کردیا: رہبر انقلاب اسلامی
جنوبی غزہ میں اسرائیل کے حملے 16 فلسطینی جاں بحق
اسماعیل ہنیہ کی معاہدے سے متعلق شراط
غزہ میں امداد تقسیم کرنے والی ٹیم پر اسرائیل کی بمباری، 23 فلسطینی شہید
غزہ میں پہلا روزہ، اسرائیل نے فلسطینیوں کو مسجد اقصیٰ میں داخل ہونے سے روک دیا

ژنہوا نیوز ایجنسی کو بھیجے گئے پریس بیان میں حماس کے زیر انتظام سرکاری میڈیا آفس کے سربراہ سلامہ معروف نے کہا کہ 42 سرکاری ہیڈکوارٹر اور درجنوں عوامی سہولیات اور تنصیبات کو بھی تباہ کر دیا گیا ہے۔ اس کے علاوہ تقریباً 89 اسکولوں پر حملہ کیا گیا اور ان میں سے 9 ابھی تک کام نہیں کر رہے۔

انہوں نے عالمی برادری سے مطالبہ کیا کہ وہ غزہ پر اسرائیلی حملوں کو روکنے کے لیے فوری مداخلت کرے۔

قابل ذکر ہے کہ ہفتے کے روز غزہ کی پٹی سے ملحقہ جنوبی اسرائیلی شہروں پر حماس کے اچانک حملے کے بعد اسرائیل نے فضائی حملے کیے۔

تنازعہ کے اس دور میں دونوں فریقوں کو بہت زیادہ نقصان اٹھانا پڑا ہے۔ جمعرات تک ان حملوں میں مرنے والوں کی تعداد 2700 سے زیادہ ہو چکی ہے۔