میریکام ورلڈچمپئن شپ 2023 سے دستبردار

سکم: ہندوستان 6 مرتبہ عالمی چمپئن بننے والی دنیا کی پہلی خاتون باکسر میریکام نے کہاہے کہ وہ ورلڈ چمپئن شپ 2023 میں حصہ نہیں لیں گی۔ میریکام نے کہاکہ وہ فٹنس مسائل کی وجہ سے اس میگا ایونٹ میں حصہ نہیں لے پائیں گی۔ میریکام نے کہاکہ وہ جلد سے جلد فٹ ہونے کی کوشش کررہی ہیں۔

انہوں نے مزید کہاکہ مجھے امید ہے کہ اس چمپئن شپ میں ہندوستانی کھلاڑیوں کا مظاہرہ شاندار رہے گا۔ انہوں نے ٹورنامنٹ میں حصہ لینے والے تمام ہندوستانی باکسرز کو مبارکباد دی ہے۔

سابق عالمی چمپئن باکسر نے کہاکہ انہیں میگا ایونٹس یس باہر ہونے پر شدید مایوسی ہورہی ہے تاہم یہ زندگی اور کھیل کا ایک حصہ ہے۔ اتھلیٹس کو اکثر فٹنس مسائل ہوتے رہتے ہیں۔ واضح رہے کہ میرکام 8 مرتبہ عالمی چمپئن شپ میں میڈل جیتنے والی دنیا کی واحد باکسر ہیں۔