بنگلہ دیش میں امریکی سفارت خانے نے اپنے شہریوں کے لیے الرٹ جاری کیا

ڈھاکہ: بنگلہ دیش کی راجدھانی ڈھاکہ میں امریکی سفارت خانے نے اتوار کو یہاں مقیم اپنے ملک کے شہریوں سے کہا کہ وہ 9/11 حملوں کی 21 ویں برسی کے پیش نظر ذاتی طور پر محتاط رہیں۔

امریکی سفارت خانے نے یہ اطلاع اپنی ویب سائٹ پر پوسٹ کی ہیں۔سفارت خانے نے اپنے شہریوں کو یاد دلایا ہے کہ بنگلہ دیش اس وقت ‘لیول 2 ٹریول ایڈوائزری’ کے زمرے میں آتا ہے، جس کا مطلب ہے کہ اس ملک کا سفر کرنے والے افراد کو جرائم، دہشت گردی اور اغوا کے واقعات سے زیادہ چوکنا رہنا چاہیے۔

ذاتی حفاظت کے لیے سفارت خانے نے مشورہ دیا ہے کہ ہجوم سے گریز کریں، اپنے گردونواح سے باخبر رہیں، ہمیشہ چارج شدہ موبائل فون اور شناختی کارڈ ساتھ رکھیں، بھاری ٹریفک والی جگہوں کو جلد از جلد چھوڑ دیں یا متبادل راستوں کا انتخاب کریں۔