نائیجیریا میں گیس کے دھماکے سے درجنوں افراد زخمی

ابوجا: نائجیریا کے جیگاوا صوبے میں گیس کے دھماکے میں درجنوں افراد زخمی ہو گئے ہیں۔

ایک مقامی رہائشی نے اخبار کو بتایا کہ یہ واقعہ پیر کو دیر گئے اس وقت پیش آیا جب سرحدی گشتی اہلکاروں نے ایک گاڑی پر فائرنگ کی جس سے آگ لگ گئی اور قریبی گھروں اور دکانوں میں پھیل گئی۔

اخبار کے مطابق، نائجیریا کے سیکورٹی اور سول ڈیفنس کور کے ترجمان نے بعد میں واقعے کی تصدیق کی اور کہا کہ گیس سلنڈروں سے بھری وین میں دھماکہ ہوا۔ انہوں نے یہ بھی کہا کہ اس آگ سے کئی لوگ زخمی ہوئے ہیں جبکہ کئی گھر اور دکانیں تباہ ہو گئی ہیں۔

اخبار کے مطابق متاثرین کو اس وقت نائیجیریا کے بابورا سٹی کے جنرل ہسپتال میں ضروری طبی امداد مل رہی ہے۔