ایشیاءسوشیل میڈیا

پشاور کی مسجد میں نماز ظہر کے وقت خودکش بم دھماکہ، 28 مصلی جاں بحق

پولیس نے بتایا کہ جس وقت دھماکہ ہوا اس وقت مسجد میں بہت سے مصلی نماز ادا کرنے کیلئے مسجد میں جمع تھے۔ بتایا جا رہا ہے کہ دھماکہ سے مسجد کا ایک حصہ گر گیا ہے جس کے نیچے کئی افراد کے دبے ہونے کا خدشہ ہے۔

پشاور: پاکستان کے شہر پشاور کے علاقہ پولیس لائنز کی مسجد میں دھماکہ ہوا ہے۔ اس خودکش دھماکہ میں اب تک 28 افراد ہلاک اور 120 زخمی ہو گئے ۔ ابھی تک کسی دہشت گرد تنظیم نے اس دھماکے کی ذمہ داری قبول نہیں کی ہے۔

متعلقہ خبریں
ویڈیو: چنگی چرلہ میں مسجد کے سامنے شرانگیزی۔ دوسرے دن بھی امن درہم برہم کرنے کی کوشش
اے پی وزیر کے قافلہ کی گاڑی سے ٹکر ایک شخص ہلاک
مسجد بیت میں ناپاکی کی حالت میں بیٹھنا
سنہری باغ مسجد، درخواست کی یکسوئی
غزہ پر اسرائیلی بربریت میں اقوام متحدہ کے 9 ملازمین ہلاک

پولیس نے بتایا کہ جس وقت دھماکہ ہوا اس وقت مسجد میں بہت سے مصلی نماز ادا کرنے کیلئے مسجد میں جمع تھے۔ بتایا جا رہا ہے کہ دھماکہ سے مسجد کا ایک حصہ منہدم ہوگیا جس کے نیچے کئی افراد کے دبے ہونے کا خدشہ ہے۔

حکام نے بتایا کہ پاکستان کے شورش زدہ صوبہ خیبر پختونخواہ کے پشاور میں پیر کو ایک خودکش بم دھماکہ میں 25 افراد ہلاک اور کم از کم 120 زخمی ہوئے۔ ڈان اخبار کی خبر کے مطابق پولیس لائنز ایریا کے قریب 1.40 بجے جب ظہر کی نماز ادا کی جا رہی تھی۔

سیکیورٹی حکام کے مطابق مسجد اگلی صف میں بیٹھے خودکش بمبار نے خود کو دھماکے سے اڑا لیا۔ لیڈی ریڈنگ اسپتال ذرائع کا کہنا ہے کہ 13 مصلیوں کی حالت تشویشناک ہے۔ علاقے میں ایمرجنسی نافذ کر دی گئی ہے اور متعلقہ علاقے کو گھیرے میں لے لیا گیا ہے۔

پولیس عہدیدار سکندر خان کا کہنا تھا کہ "دھماکہ اتنا زوردار تھا کہ اس کی لپیٹ میں آنے سے کئی لوگ زخمی ہو گئے، دھماکہ سے مسجد کا ایک حصہ بھی گر گیا، اس حصے میں بہت سے لوگ دبے ہو سکتے ہیں”۔

پشاور کے لیڈی ریڈنگ اسپتال کے ترجمان محمد عاصم نے بتایا کہ یہاں اب تک 90 زخمی لائے گئے ہیں جن میں سے بعض کی حالت تشویشناک ہے۔