بم سے اُڑادینے کی دھمکی ، جیٹ اسٹار طیارہ کی جاپان میں ہنگامی لینڈنگ

ٹوکیو: جاپان کے آئیچی صوبے کے چوبو سینٹربین الاقوامی ہوائی اڈے پر ہفتہ کی صبح ایک آسٹریلیائی جیٹ اسٹار طیارے کو بم سے اڑانے کی دھمکی ملنے کے بعد ہنگامی لینڈنگ کی گئی، حالانکہ جانچ کے بعد جہاز میں کوئی بم نہیں ملا۔ یہ اطلاع این ایچ کے براڈکاسٹر کی جانب سے جاری کی گئی رپورٹ میں ملی ہے۔

پولیس نے بتایا کہ جیٹ اسٹار کی پرواز ٹوکیو کے قریب ناریتا بین الاقوامی ہوائی اڈے سے جاپان کے کیوشو جزیرے پر واقع فوکوکا جا رہی تھی۔

 ساتھ ہی طیارے کو بم سے اڑانے کے خطرے کے پیش نظر طیارے کی ہنگامی لینڈنگ بھی کرانی پڑی۔ ابھی تک کسی کے زخمی ہونے کی کوئی اطلاع نہیں ہے۔ تاہم تحقیقات کے بعد طیارے میں کسی قسم کا کوئی بم نہیں ملا۔آسٹریلیائی طیارے میں 136 مسافر اور عملے کے چھ ارکان سوار تھے۔