ایشیاء

بنگلہ دیش میں ایمبولنس اور ٹرک میں تصادم، 6 افراد جاں بحق

حادثہ اتنا شدید تھا کہ ڈرائیور سمیت تمام 6 افراد موقع پر ہی جاں بحق ہوگئے۔ مرنے والوں میں مریض اور ایمبولینس کے ڈرائیور اور ایک پیرامیڈک شامل ہیں۔

ڈھاکہ: بنگلہ دیش کے دارالحکومت ڈھاکہ سے تقریباً 101 کلومیٹر جنوب میں واقع ضلع شریعت پور میں منگل کی علی الصبح ایمبولینس اور ٹرک کے ٹکراجانے سے چھ افراد کی موت ہو گئی۔

متعلقہ خبریں
وزیر جوپلی کرشنا راو نے ایک شخص کو اسپتال پہنچایا
ہندوستان نے بنگلہ دیش کے خلاف دوسرا ونڈے جیت لیا
ملگ میں پرچم کا پول برقی تاروں سے ٹکراگیا، 2ہلاک
پیوندکاری کے لئے پھیپھڑے لے جانے والی ایمبولنس حادثہ کا شکار، طبی ٹیم کی بروقت کارروائی
ماہنامہ آجکل کے سابق مدیر شہباز حسین کا مختصر علالت کے بعد انتقال

فائر سروس اور سول ڈیفنس کے ڈپٹی ڈائریکٹر محمد سلیم میاں نے بتایا کہ حادثہ مقامی وقت کے مطابق صبح 4 بج کر 20 منٹ پر اس وقت پیش آیا جب ڈھاکہ کی طرف جانے والی ایمبولینس گھنے کہرے کی وجہ سے سی این جی ٹرک سے ٹکرا گئی۔

 حادثہ اتنا شدید تھا کہ ڈرائیور سمیت تمام 6 افراد موقع پر ہی جاں بحق ہوگئے۔ مرنے والوں میں مریض اور ایمبولینس کے ڈرائیور اور ایک پیرامیڈک شامل ہیں۔

امدادی کارکنوں کا کہنا ہے کہ انہیں تباہ شدہ ایمبولینس سے لاشیں نکالنے کے لیے گھنٹوں جدوجہد کرنی پڑی۔

خراب سڑکوں، ناقص گاڑیوں، نااہل ڈرائیوروں کے ذریعہ ٹریفک قوانین کی خلاف ورزی اور محکمہ ٹریفک کی جانب سے مناسب نگرانی کی کمی کے سبب بنگلہ دیش میں سڑک حادثات میں اموات کی شرح دنیا میں سب سے زیادہ ہے۔

مقامی تنظیم بنگلہ دیش پیسنجر ویلفیئر ایسوسی ایشن کی ایک رپورٹ کے مطابق، 2022 میں ملک بھر میں 7,617 سڑکوں، ریلوے اور آبی گزرگاہوں کے حادثات میں کل 10,858 افراد ہلاک اور 12,875 دیگر زخمی ہوئے۔