بین الاقوامی

اسرائیل جس راہ پر چل نکلا ہے اس پر زیادہ دیر نہیں چل سکتا :جوبائیڈن

واشنگٹن: امریکی صدر جو بائیڈن نے منگل کو ایک بیان میں کہا کہ اسرائیل جس راہ پر چل نکلا ہے اس پر زیادہ دیر نہیں چل سکتا۔ انہوں نے مزید کہا کہ وہ [جو بائیڈن] مستقبل قریب میں بنیامین نیتن یاہو کو وائٹ ہاؤس میں مدعو کرنے کا ارادہ نہیں رکھتے۔

واشنگٹن: امریکی صدر جو بائیڈن نے منگل کو ایک بیان میں کہا کہ اسرائیل جس راہ پر چل نکلا ہے اس پر زیادہ دیر نہیں چل سکتا۔ انہوں نے مزید کہا کہ وہ [جو بائیڈن] مستقبل قریب میں بنیامین نیتن یاہو کو وائٹ ہاؤس میں مدعو کرنے کا ارادہ نہیں رکھتے۔

متعلقہ خبریں
حماس کی شرائط منظور نہیں: نتن یاہو
پرائمری انتخابات، بائیڈن کو اسرائیل۔غزہ جنگ پر مخالفت کا سامنا
جوبائیڈن 2024 کی یوم جمہوریہ پریڈ میں مدعو
اسرائیل میں حکومت کے خلاف ہزاروں افراد کا مظاہرہ
مشرقی یروشلم پر گولہ باری کے خلاف کارروائی کا عزم: نتن یاہو

العربیہ کی رپورٹ کے مطابق صحافیوں سے بات کرتے ہوئے، بائیڈن کا کہنا تھا: "مجھے امید ہے کہ وہ [نیتن یاہو] اس (عدالتی اصلاحات کے متنازعہ منصوبے) سے باز آ جائیں گے۔”

اس بیان سے ایک دن قبل جب بائیڈن سے جب سوال کیا گیا ’’کیا وہ اسرائیلی وزیر اعظم کو واشنگٹن مدعو کریں گے؟ تو انہوں نے جواب دیا "نہیں. قریبی مدت میں نہیں، "

اس بیان کے بعد رات گئے ٹوئٹر پر ایک پوسٹ میں، نیتن یاہو نے بائیڈن پر جوابی حملہ کیا۔

نیتن یاہو نے اپنے پیغام کے آغاز میں کہا کہ "اسرائیل اور امریکہ کے درمیان یہ اتحاد اٹوٹ ہے اور ہمارے درمیان کبھی کبھار ہونے والے اختلافات پر ہمیشہ قابو پا لیا جاتا ہے۔”

اس بیانیہ ’’کہ نیتن یاہو جمہوریت کو نقصان پہنچا رہے ہیں’’ کو یکسر مسترد کرتے ہوئے اسرائیلی وزیر اعظم کا کہنا تھا کہ ’’وہ اسرائیلی حکومت کے تینوں شعبوں [مقننہ، عدلیہ اور انتظامیہ] کے درمیان مناسب توازن بحال کر کے جمہوریت کو مضبوط کرنے کے لیے پرعزم ہیں۔‘‘

اپنی بات مکمل کرتے ہوئے مسٹر نیتن یاہو نے کہا کہ "اسرائیل ایک خودمختار ملک ہے، جو اپنے فیصلے اپنے عوام کی مرضی سے کرتا ہے نہ کہ بیرونی دباؤ بشمول بہترین دوستوں کی بنیاد پر”،اور یہ واضح طور پر امریکہ اور اسرائیل کے درمیان بگڑتے ہوئے تعلقات کی جانب ایک اشارہ ہے۔

ذریعہ
یواین آئی