دبئی کے معروف فیسٹیول سٹی مال میں آتشزدگی
میڈیا رپورٹس کے مطابق آگ مال کے اگلے حصے میں لگی تھی تاہم کسی بھی قسم کا جانی نقصان نہیں ہوا۔
دبئی: دبئی کے مشہور فیسٹیول سٹی مال میں آگ بھڑک اٹھی۔
غیر ملکی میڈیا کے مطابق دبئی سول ڈیفنس کا بتانا ہے کہ سٹی مال کے آپریشن روم کی جانب سے آگ لگنے کی اطلاع دی گئی جس کے بعد فائر فائٹرس نے 6 منٹ میں موقع پر پہنچ کر پہلے مال کو خالی کروایا اور پھر آگ پر قابو پانے کیلئے آپریشن شروع کردیا۔
میڈیا رپورٹس کے مطابق آگ مال کے اگلے حصے میں لگی تھی تاہم کسی بھی قسم کا جانی نقصان نہیں ہوا۔حکام کا کہنا ہے کہ آگ لگنے کے واقعے کی تحقیقات شروع کردی گئی ہیں۔
