اب گھر بیٹھے موبائل سے مسجد نبویؐ میں حاضری

مسجد نبویؐ کی دیدار کی سعادت حاصل کرنے کے خواہش مندوں کے لیے خوش خبری ہے کہ اب وہ یہ سہولت گھر بیٹھے اپنے موبائل کے ذریعہ بھی حاصل کرسکتے ہیں۔

مدینہ منورہ: مسجد نبویؐ کی دیدار کی سعادت حاصل کرنے کے خواہش مندوں کے لیے خوش خبری ہے کہ اب وہ یہ سہولت گھر بیٹھے اپنے موبائل کے ذریعہ بھی حاصل کرسکتے ہیں۔

کورونا وبا کے دوران خانہ کعبہ اور مسجد نبویؐ میں نماز کی ادائیگی پر پابندیاں تھیں۔ لاکھوں دل اپنی محبوب مساجد میں جانے اور عبادت کو تڑپ رہے تھے۔

اس تشنگی کو دور کرنے کے لیے دو سال قبل وحی نامی ایک ایپ لانچ کی گئی تھی۔اس ایپ کے ذریعہ گھر بیٹھے خانہ کعبہ کی زیارت کرسکتے ہیں اور ایک قدم آگے بڑھتے ہوئے ورچوئل گلاسس کے استعمال سے ایسا محسوس ہوتا جیسے مسجد الحرام میں چہل قدمی کر رہے ہوں۔

اس حوالے سے 9 منٹ کی ورچوئل فلم بھی بنائی گئی تھی جس میں 360 زاویہ پر مسجد کعبہ کے ایک ایک حصے کی زیارت کرنا ممکن تھی اور ساتھ ہی وحی ایپ کے ذریعہ نمازوں میں بھی شرکت کی جا سکتی تھی۔

وبا کا دور ابتلا تو ختم ہوا اور خانہ کعبہ اور مسجد نبویؐ نمازیوں سے کھچاکھچ بھر گئیں تاہم اب بھی دنیا بھر میں لاکھوں ایسے پروانے ہیں جو اخراجات یا دیگر مسائل کے باعث مسجد نبوی ؐ کے دیدار کو ترس رہے ہیں۔

ایسے تمام عاشقان کے لیے خوشخبری ہے کہ سعودی حکومت کے ادارے قرآن کامپلکس نے ورچوئل ٹیکنالوجی کی مدد سے گھر بیٹھے ہی مسجد نبویؐ کے کونے کونے کے نظارے سے آنکھوں کو پرنور کرنے کا بندوبست کرلیا ہے۔

اس ورچوئل سافٹ ویئر کو موبائل پر ڈاون لوڈ کیا جا سکتا ہے اور اس کے ذریعے 360 ڈگری پر انگلی سے اسکرول کرتے ہوئے مسجد نبویؐ کے شمال، مغرب، جنوب اور مشرقی حصوں میں جسے دیکھنا چاہیں دیکھا جا سکتا ہے۔یہ سافٹ ویئر استعمال کرتے ہوئے آپ کو ایسا محسوس ہوگا کہ آپ خود مسجد نبویؐ میں موجود ہیں۔

...رشتوں کا انتخاب
...اب اور بھی آسان

لڑکی ہو یا لڑکا، عقد اولیٰ ہو یا عقد ثانی
اب ختم ہوگی آپ کی تلاش اپنے ہمسفر کی

آج ہی مفت رجسٹر کریں اور فری سبسکرپشن حاصل کرکے منصف میٹریمونی کے تمام فیچرس سے استفادہ کریں۔

آج ہی مفت رجسٹر کریں اور منصف میٹریمونی کے تمام فیچرس سے استفادہ کریں۔

www.munsifmatrimony.com

تبصرہ کریں

Back to top button