مشرق وسطیٰ
ٹرینڈنگ

مکہ مکرمہ ریجن کی ہریالی میں حیران کن اضافہ (ویڈیو)

گزشتہ سال اگست سے دسمبر تک متواتر بارشوں نے یہاں کے مناظر کو دلفریب بنا دیا ہے اور گزشتہ پانچ ماہ کے دوران مکہ مکرمہ ریجن کے سرسبز رقبے میں 600 فیصد اضافہ ہوا ہے۔

مکہ مکرمہ:سعودی عرب ایک صحرائی اور ریگستانی ملک ہے لیکن موسمیاتی تبدیلیوں اور مسلسل بارشوں نے اسے صحرا سے نخلستان میں تبدیل کر دیا ہے۔

متعلقہ خبریں
سعودی عرب میں پانچ پاکستانیوں کو سزائے موت دے دی گئی
سعودی عرب کا اسرائیل کے خلاف اہم بیان
سعودی عرب میں 2 خواتین سمیت 5 افراد کو سزائے موت
فلسطینی ریاست کے قیام کے بغیر اسرائیل سے تعلقات ممکن نہیں
جدہ میں سرید ھربابو کا آرامکو اور الشریف گروپ سے تلنگانہ میں سرمایہ کاری پر تبادلہ خیال

آج سعودی عرب چند سال قبل کے سعودی عرب سے یکسر مختلف دکھائی دیتا ہے کیونکہ اس کے بے آب وگیا پہاڑ اور وادیاں اب سر سبز ہو چکی ہیں۔ گزشتہ سال اگست سے دسمبر تک متواتر بارشوں نے یہاں کے مناظر کو دلفریب بنا دیا ہے اور گزشتہ پانچ ماہ کے دوران مکہ مکرمہ ریجن کے سرسبز رقبے میں 600 فیصد اضافہ ہوا ہے۔

غیر ملکی میڈیا کے مطابق قومی مرکز ریموٹ سینس ڈیٹا کے تجزیے سے پتہ چلا ہے کہ اگست 2023 کے دوران مکہ مکرمہ میں سبزہ زار خطے کا رقبہ 3.529.4 مربع کلومیٹر تھا جو ریجن کے کل رقبے کا 2.3 فیصد بنتا ہے اور سال کے اختتام پر یہ سر سبز ریجن کے کل رقے کا 17.1 فیصد ہو چکا ہے۔

رپورٹ میں بتایا گیا کہ بحیرہ احمر کے ساحل کے بالمقابل بالائی علاقوں اور کوہستانوں میں سبزہ خاص طور پر زیادہ ہوا۔ مکہ مکرمہ، طائف، اللیث، الجموم، الکامل اور خلیص کے علاقے متواتر بارش کے باعث سر سبز ہو گئے ہیں۔