دو اسمبلی حلقوں کی ووٹر لسٹ میں اسد اویسی کا نام شامل

حیدرآباد: سینئر نائب صدر تلنگانہ کانگریس کمیٹی جی نرنجن نے رکن پارلیمنٹ حیدرآباد و صدر مجلس اسد الدین اویسی کا نام شہر کے دو اسمبلی حلقوں کی فہرست رائے دہندگان میں رجسٹرڈ ہونے کا انکشاف کرتے ہوئے الیکشن کمیشن آف انڈیا سے اس سلسلہ میں کاروائی کرنے کی درخواست کی ہے۔

چیف الیکشن کمیشن آف انڈیا کو تحریرکردہ ایک مکتوب میں جی نرنجن نے بتایا کہ 5 جنوری 2023 کو شائع کردہ فہرست رائے دہندگان میں اسد الدین اویسی کانام راجندر نگر اسمبلی حلقہ کے EPIC‘، part No.401, KG0601229 سیرئیل906 اور خیریت آباد اسمبلی حلقہ کی فہرست میں EPIC No. TDZ1557521، پارٹ نمبر412 سرئیل نمبر412 میں درج ہے۔

اس سے منتخب رکن پارلیمنٹ کی غیر ذمہ داری اور الیکشن مشینری کی لاپروائی کا اظہار ہوتا ہے۔