مشرق وسطیٰ

’غزہ میں ہر گھنٹے 6 بچے اور 5 خواتین شہید ہو رہی ہیں‘

فلسطینی حکام نے دعویٰ کیا ہے کہ اسرائیل کی غزہ پر جاری وحشیانہ بمباری سے ہر گھنٹے 6 بچے اور 5 خواتین شہید ہو رہی ہیں۔

غزہ: فلسطینی حکام نے دعویٰ کیا ہے کہ اسرائیل کی غزہ پر جاری وحشیانہ بمباری سے ہر گھنٹے 6 بچے اور 5 خواتین شہید ہو رہی ہیں۔

متعلقہ خبریں
غزہ کے عوام کا تاریخی صبر جس نے اسلام کا سر بلند کردیا: رہبر انقلاب اسلامی
جنوبی غزہ میں اسرائیل کے حملے 16 فلسطینی جاں بحق
غزہ پر اسرائیلی بمباری میں 40 افراد شہید
غزہ میں پہلا روزہ، اسرائیل نے فلسطینیوں کو مسجد اقصیٰ میں داخل ہونے سے روک دیا
غزہ میں امداد تقسیم کرنے والی ٹیم پر اسرائیل کی بمباری، 23 فلسطینی شہید

غزہ کے مظلوم فلسطینیوں پر غاصب اسرائیل کے جاری وحشیانہ فضائی اور زمینی حملوں کو ایک ماہ سے زائد عرصہ گزر چکا ہے اور اب تک 10 ہزار سے زائد معصوم شہری شہید اور 30 ہزار سے زائد زخمی ہوچکے ہیں۔ شہدا اور زخمیوں میں سب سے زیادہ تعداد بچوں اور خواتین کی ہے۔

اس صورتحال پر فلسطینی حکام کی جانب سے بیان جاری کیا گیا ہے جس میں دعویٰ کیا گیا ہے کہ اسرائیل اب تک غزہ پر 30 ہزار ٹن بارودی مواد برسا چکا ہے اور اس بمباری سے شہر کی 70 فیصد آبادی بے گھر ہو چکی ہے۔

فلسطینی حکام کے مطابق اسرائیل کی وحشیانہ بمباری سے ہر گھنٹے میں اوسطاً 6 بچے اور 5 خواتین شہید ہو رہی ہیں۔انہوں نے مزید کہا کہ غزہ میں فی کلومیٹر اسکوائر پر اسرائیل نے 82 ٹن بارود استعمال کیا اور غزہ کی 50 فیصد عمارتیں اسرائیلی بمباری اور چھاپوں سے تباہ ہو چکی ہیں۔