3 بچوں کا قتل کرکے مسلم خاتون نے خودکشی کرلی
حسنیٰ کوثر مدور ٹاؤن کے نرسنگ ہوم میں کام کرتی تھی۔ شوہر اور بیوی کے درمیان اکثر جھگڑا ہوتا تھا۔ حسنیٰ نے کھانے میں زہر ملاکر بچوں کو کھلادیا جس کے بعد اس نے اپنی زندگی کا خاتمہ کرلیا۔
مانڈیا: منڈیا ضلع میں ایک خاتون نے گھریلو جھگڑے کے بعد اپنے تین بچوں کا قتل کرکے پھانسی لے لی۔ خاتون کی شناخت30سالہ حسنیٰ کوثر ساکن ہولے بیڑی مدور ٹاؤن اور اس کے بچے 7سالہ حارث، دختران علیسہ (4)، فاطمہ (2) کی حیثیت سے کی گئی۔
پولیس کے مطابق حسنیٰ کوثر کی شادی کارمیکانک عقیل سے ہوئی تھی۔ اس بدقسمت دن خاتون نے کھانے میں زہر ملاکر بچوں کو کھلادیا جس کے بعد اس نے اپنی زندگی کا خاتمہ کرلیا۔
حسنیٰ کوثر مدور ٹاؤن کے نرسنگ ہوم میں کام کرتی تھی۔ شوہر اور بیوی کے درمیان اکثر جھگڑا ہوتا تھا۔ یہ واردات جمعرات کی رات پیش آئی اور جمعہ کو منظرعام پر آئی۔ پولیس موقع واردات پر پہنچی اور تحقیقات کا آغاز کردیا۔
