راہول کے انیمیشن ویڈیو سے بی جے پی کی بوکھلاہٹ ظاہر: کانگریس

نئی دہلی: بی جے پی نے بھارت جوڑو پر طنزکرنے کیلئے اتوار کے دن راہول گاندھی کا ایک انیمیشن ویڈیوجاری کیا۔ جس پرکانگریس کی طرف سے سخت ردعمل سامنے آیا۔

بی جے پی نے ٹوئٹر پر زائداز2منٹ کے اینیمیشن میں راہول گاندھی کو فلم شعلے کے اسرانی کے کردار میں دکھایا۔

ویڈیو میں گوا میں کانگریس پارٹی کے ارکان اسمبلی کے پارٹی چھوڑکرجانے‘ غلام نبی آزاد کا ساتھ دینے والے قائدین اور راجستھان میں داخلی اختلافات پر طنز کی گئی۔

کانگریس جنرل سکریٹری انچارج کمیونیکیشن جئے رام رمیش نے کہا کہ بھارت جوڑو یاترا کی کامیابی کا توڑکرنے کیلئے بی جے پی کا نیا فارمولہ فرسٹریشن + ڈپریشن= انیمیشن ہے۔

بھارت جوڑو یاترا کی شروعات سے لے کر آج تک بی جے پی طنزیہ حملے کررہی ہے۔ کانگریس کا دعویٰ ہے کہ وہ اس لئے ایسا کررہی ہے کہ وہ بھارت جوڑو یاترا کی کامیابی سے بوکھلائی ہوئی ہے۔