Video : گریٹر نوئیڈا کی سوسائٹی میں نئے سال کی پارٹی میں ہنگامہ

گریٹرنوئیڈا: سال نو کی پارٹی میں گریٹرنوئیڈا کی ایک ہاؤزنگ سوسائٹی میں بڑا ہنگامہ برپاہوا۔ بعض لوگوں نے سیلفی کیلئے عورتوں کو مجبور کرنے کی کوشش کی۔

عہدیداروں نے بتایاکہ دو افراد کو گرفتارکرلیاگیا ہے جبکہ مابقی ملزمین کی تلاش جاری ہے۔

خبر ہے کہ کچھ لوگوں نے گورسٹی فرسٹ ایونیوسوسائٹی میں ہفتہ کی رات نئے سال کا جشن منانے کے دوران دو عورتوں کے ساتھ سیلفیاں لینے کی کوشش کی جس پر ان عورتوں کے شوہروں اور ملزمین میں بحث وتکرارہوئی۔

ملزمین نے بعدازاں شوہروں کو گھسیٹا اور ماراپیٹا۔ مداخلت کرنے پر دیگر شہری اور سیکیوریٹی گارڈ زخمی ہوگئے۔

سوسائٹی میں رہنے والے ایک شخص نے بتایاکہ اس کی بیوی اور اس کے دوست کی بیوی کے ساتھ زبردستی سیلفی لینے کی کوشش کی گئی۔ اس پر اعتراض کرنے پر ہمیں مارا پیٹاگیا۔

ہمیں بچانے کیلئے آئے لوگ بھی زخمی ہوئے۔ پولیس ترجمان نے کہا کہ چار افراد کو دواخانہ میں شریک کرایاگیا ہے۔ تحقیقات جاری ہیں۔