ویڈیو: حالت نشہ میں سڑک پر لڑکی کی ہنگامہ آرائی

حیدرآباد: آندھراپردیش کے وشاکھاپٹنم کے بیچ روڈ کے قریب حالت نشہ میں ایک لڑکی نے ہنگامہ آرائی کی۔اس لڑکی نے اس کی ہنگامہ آرائی کو روکنے کے لئے کوشش کرنے والی پولیس پر حملہ کی بھی کوشش کی۔

پولیس سے بحث وتکرار اور بدکلامی کی ویڈیو وہاں موجود افراد نے لے لی جو دیکھتے ہی دیکھتے سوشیل میڈیا کے مختلف پلیٹ فارمس پر تیزی کے ساتھ وائرل ہوگئی۔

بعد ازاں پولیس نے کافی جدوجہد کے بعد اس کو سڑک سے تری ٹاون پولیس اسٹیشن کو منتقل کردیا۔یہ لڑکی وائی ایم سی اے کے قریب یہ لڑکی شراب کی بوتل کے ساتھ نظرآئی۔پولیس نے ابتدا میں اس کو وہاں سے بھیجنے کی کوشش کی۔

لڑکی کے حملہ میں ایک نوجوان بھی زخمی ہوگیا۔بتایاجاتا ہے کہ قبل ازیں بھی اس لڑکی نے اسی طرح کی حرکت کرتے ہوئے ہنگامہ آرائی کی تھی۔