Watch : ”میں جہاں کھونٹا گاڑھ دوں‘ پی ایم مودی بھی نہیں ہلاسکتے“: بی جے پی لیڈر

جئے پور: راجستھان بی جے پی میں جاری گروہی جنگ کے دوران سابق رکن راجیہ سبھا اوم ماتھر کا ایک ویڈیو وائرل ہوا ہے جس میں بزرگ قائد کو وزیراعظم نریندر مودی کو چیلنج کرتے ہوئے دیکھا جاسکتا ہے۔

اس ویڈیو میں ماتھر کو جن آکروش سبھا کے دوران پربتسرمیں ایک بڑے جلسہ سے خطاب کرتے ہوئے دیکھا جاسکتا ہے۔

وہ کہہ رہے ہیں کہ کسی کو بھی کوئی غلط فہمی نہیں ہونی چاہئے۔ میں اب سنٹرل الیکشن کمیٹی کا ممبر ہو۔ جئے پور کے لوگ جب کہیں بھی کوئی فہرست بھیجتے ہیں تو میں ہر شخص اور ہر نام کا خیال رکھتا ہوں۔

”میں جہاں کھونٹا گاڑھ دوں‘ پی ایم مودی بھی نہیں ہلاسکتے“۔

انہوں نے بی جے پی قائدین سے کہا کہ وہ جانبداری اور اقرباپروری سے دور رہیں۔ انہوں نے کہا کہ میرا پسندیدہ اور تمہارا پسندیدہ یہ کام بند کردیں۔

ماتھر کا یہ بیان سوشل میڈیا پر وائرل ہوگیا ہے جہاں لوگ مختلف خیالات ظاہر کررہے ہیں۔ ایک صارف نے کہا کہ خدا کا شکر ہے کہ بی جے پی میں کوئی تو ایسا ہے جو مودی کو کھل کر چیلنج کرسکتا ہے۔