کرناٹک میں تبدیلی مذہب مخالف قانون واپس لینے پر بی جے پی لیڈر چراغ پا

بھوپال: کرناٹک میں کانگریس حکومت کی طرف سے تبدیلی مذہب مخالف قانون کو واپس لینے پر ردعمل ظاہر کرتے ہوئے لوک سبھا کے رکن پارلیمنٹ اور بھارتیہ جنتا پارٹی کی مدھیہ پردیش یونٹ کے صدر وشنودت شرما نے کہا کہ اس قدم سے کانگریس کی اصل سوچ سامنے آئی ہے۔

شرما نے کل رات دیر گئے اپنے ٹویٹ میں کہا کہ کانگریس نے کرناٹک میں تبدیلی مذہب مخالف قانون کو واپس لے کر اپنی اصل سوچ ظاہر کردی ہے۔

انہوں نے الزام لگایا کہ مدھیہ پردیش کانگریس اور پارٹی کی ریاستی اکائی کے صدر کمل ناتھ بھی مذکورہ قانون کی حمایت کرتے ہیں اور اگر وہ ایسا نہیں کرتے ہیں تو انہیں کرناٹک حکومت کے فیصلے کی مخالفت کرنی چاہئے۔